Dewe Xozati | Xozat 'ın Köyleri

DersiMVataN · Tarih: Cmt Nis 05, 2008 2:34 pm Mesaj konusu: Dewe Xozati | Xozat 'ın Köyleri

Reklamlarımız Destekcilerimiz

Hozatın Köylerini Bu Başlık Altında Paylaşabilirsiniz .. Genelde Zazaca olcaktır Hem dilinizi geliştirmeniz açısından . Hem Dili korumak Açısından Smile

[/center]

DersiMVataN · Tarih: Cmt Nis 05, 2008 2:35 pm Mesaj konusu: Thanjige

Thanjige
Thanjige dewê da Xozatia. Namey dewe çekuya Ermeniki տանձիկ Ermekiyê Rocakewtene tandzik, Ermenkiyê rocawani dantsig ra yeno. Tandzik տանձիկi Ermeniki de mıroeka, tandz տանձ ki muriye rê vanê. Taê dewan de caê zey murêreke (murêre: dara muriye, mıroe) estê ke namey ra elaqedarê. Welatê Zazaan de taê ca de (Xozat, Varto) dewi be namey Thanzige, Thanjige estê.
Üye

[/center]

DersiMVataN · Tarih: Cmt Nis 05, 2008 2:37 pm Mesaj konusu: Ağvêşiye

Reklamlarımız Destekcilerimiz

Ağvêşiye
Ağvêşiye (< Ağvêsiye) dewê da qeza Xozatia, merkez ra nezdiya. Namey dewe qısey Ermeniki ağvês աղվես ra yeno u mena cı lüwa.

Şarê dewe eşira Şix Hesenan ra ezbeta Qerebaliyan raê.

[/center]

DersiMVataN · Tarih: Cmt Nis 05, 2008 2:43 pm Mesaj konusu: Tawuxe

Tawuxe
Tawuxe (be Tırki: Tavuklar) dewê da qeza Xozatia. Şarê Tawuxe eşira Şix Hesenan, ezbeta Qerebaliyan raê. Tawuxe de taê mehley zey Mela Sıldıron, Mela Kê Ağataşi estê.

Mezrê Tawuxe

* Tawuxa Cêrêne
* Tawuxa Corêne
* Serê Koy

[/center]

DersiMVataN · Tarih: Cmt Nis 05, 2008 2:45 pm Mesaj konusu: Tanêro Corên (Tanêrê Cori)

Reklamlarımız Destekcilerimiz

Tanêro Corên (Tanêrê Cori)
Tanêro Corên (Tanêrê Cori), suka Zazaan Dêsım de, qeza Xozati de yew (jü) dewa.

Lawıka Şire de Tanêr

Lawıka (Deyra) Şirê Şirê keynekê da Tanêrkıce sero vata. Şair Usên Doğanay na lawıke be na qeyde vatêne:

Şirê Şirê

Tanêri vera Şirına mı, lemınê, pulê vore
jüyê nawa Çê Oynatani de fetelina, Şirına mına çım-buri-gılore
la lao, seytan mı qurdi keno
şiaê çımo vece, ara sodıri dı bı nanê tir’a bore

erê Şirê Şirê
omeda ma Şirê
Heq kedero dae nêdo
to ma rê kerday pile
erê arday, kerday
ma va, xercê cıle!

Tanêri vera, Şirına mı, dalık o buki
cêniya hewle ke kuna mordemê koti dest
se ke malê bena, mırdar ercenê na kutıki
la lao Şire vana, oo kı dosta xo çiniya
ez mijia xo de sorğacê na pi keri !

erê Şirê Şirê
omeda ma Şire
Heq kedero dae nêdo
to ma rê kerday pile
erê arday, kerday
mı va, xercê cıle

Tanêri vera Şirına mı, bı ver mendo
kes çino xebere Sılemani do, mefındero bêro
lacê Oynatani Mardin de şiyo dızdiya bostani,
nê be pıra merdo!
erê, Şirê Şirê, nê be pıra merdo!
erê, ez ke bızani na dorğiya
Xızırê serê deryay mıradê ma newe kerdo
erê Şirê Şirê omeda ma Şirê!

Tanêri vera, Şirına mı, lêa teke
erê destê xo destê mı kı, mın o to şime mereke
ez kı to rê sa vono,
Çê Oynatani dı na veyn mekı!

Tanêri vera Şirına mı lemınê, bı hêgay
erê tey lewina, ma va, selviya vay
Şirê, ez to rê qırban keri
apê to Dursun Ağay!

erê Şirê Şirê
omeda ma Şirê
Heq kedero dae nêdo
to ma rê kerday pile
erê arday, kerday
mı va, xercê cıle

Vatoğ: Usên Doğanay
het: Tanêr-Xozat
nuştoğ: Asmêno Bêwayir
Üye

[/center]

DersiMVataN · Tarih: Cmt Nis 05, 2008 2:47 pm Mesaj konusu: Tanêrê Tırkon

Tanêrê Tırkon
Tanêrê Tırkon suka Dêrsımi, qeza Xozati de yew dewa. Namey xuyo esas u raşt Tanêro. Terteley 38i de dewıcê Tanêri dewe de vala/desmala Tırkan nawa ro. Heni kerdo ke esker ninan mekışo. A roce ra tepeya, hıkumetê Tırki namey na dewe vurnao, kerdo Tanêrê Tırkon.

[/center]

DersiMVataN · Tarih: Cmt Nis 05, 2008 2:51 pm Mesaj konusu: Sakako

Sakako
Sakako, suka Zazaan Dêsım de, qeza Xozati de yew (jü) dewa. Heto bin ra, namey yew eşireteo. Oyo ke na eşirete rao, cı rê Sakakıc vanê
Üye

[/center]

DersiMVataN · Tarih: Cmt Nis 05, 2008 2:58 pm Mesaj konusu: Khewco

Khewco
Khewco (Khewcan; be Tırki: Kavuktepe), suka Zazaan Dêsım de qeza Xozati de yew dewa. Rocvetışê na dewe de Tanêr, rocawan de Bırrê Kinzıre, zıme de dewa Zankırage, veroc de ki dewa Taçgırage esta. Khewco, merkezê Xozati ra 15 km, merkezê Mamekiye ra ki 59 km dürio. Nêjdiê Khewco de, Jiara Paçıkıne, jiara Hurıbdelay estê.

[/center]