BÊNAMÊNi RUT MENDENA

Tujo · Tarih: Pzr Ağu 10, 2008 5:40 pm Mesaj konusu: BÊNAMÊNi RUT MENDENA

Reklamlarımız Destekcilerimiz

BÊNAMÊNi RUT MENDENA
Torné Thuji
tornetuji@gmail.com

Çonday hozar serra maqa insano
Çıqa ke kes nae rınd nézano
Tarixo khalo kokım niya vano
Zolım, qa zé ho pıro niadano

Qa zomané, ve ho gureto name
İlim u irfan vano; ma ki vame
Pé sunık, senat, sanık u kılame
Ma namé kami hata nıka ame

Goré çérénia ho name bio
Ya goré kar u hunero ke dio
Çié saynébio béhuner vio
Xanedan tım cıré wahir véjio

Zomané qe nébio é geveşi
Çıqa ke peyderpéy é her keşi
Verde çér bi wahiré namé weşi
Nıka name ra remené tereşi

Eke bio insan ho bélü kerdo
Çıqa ke piya cando, piya werdo
Ora nat qe kes béname némerdo
Seo békes ki béname néverdo

Qe bıné kemere, qe bıné dare
Ca é her kesi, cıré çé u ware
Çé ho de nami sero kuno hare
Bénamé ho wahir é axuzare

Çé o béname sari ré méreso
Wesawes ke méreso qa tereso
Na dewré ma de vané bé adreso
Va, yaxo ju a é bini mereso

Wahiré nami, wahiré anuro
Namé pi u khalıki qa gururo
Mordem saymeke, eke heramxuro
Heramxur namé khalıki ra duro

Xanedan qa tım namé ho zoneno
Kam ke namé hora qa sermayeno
Ma u pi é ho ra ki ar nékeno
Xızani* de coru mobet nébeno

Namé ho nino domanuné hora
Huréndia baqıli namé hora cora
Béname mevo kes na der u dora
Bénamu fekra qa tım xırave vora

Dem u tawxo ke mavénra vérdo ra
Namé pi u khalıki, no ve hora
Bé esl u nesli biaene zora
Bénaméni qomi ré har u mora

Béname, béma u bépi saybio
Çé keş de cıra xeveri nédio
Eve name wahiré khalıkio
Bé zon u béname qom çié nio

Çıqa ke seré pelga xeyalio
Qa pé zoné ho pıra name bio
Torné Thuji ke horé mordem dio
Bızoné ke hemeg héçe néşio
*-*
Xızan: insani değerlerden mahrum, açgözlü
-*-
Qom ke vérde ve name u zoné hora
Yé déyi germénia mılawun u mora

Torné Thuji

ala_ree_niede · Tarih: Pzr Ağu 10, 2008 6:33 pm Mesaj konusu:

mab ı xerd bawa Tujo..na kaydeu , klamu nenenu rındeku kotra vinena?haq tora rajivo..kem mekı itara,verı çıme mıletı mara..ezvaj zone ma kılmancıye ser tu mıra zof zonena,mıleto virenra mısa..tukı diyo mı nae ser forum da,eki vazena tey kılamkı,bımısne,sermaan niya hin zononkı..juki,nede kı bra zapata perskerdo vano devrim kılmanciyedı çutir vajino? mı vira şiyo..ekı zonena forumdı yaki ita bımısneri rınd kena,savana? hatırbe tu ,lewe mıno tu destra,kayte howı...