YÊ MA INQRARO

Tujo · Tarih: Sal May 27, 2008 12:51 am Mesaj konusu: YÊ MA INQRARO

Reklamlarımız Destekcilerimiz

Vané hukumat venga piru dano
Memuré ma vé, peru dame, vano
Kam wayiré berata Osmanano
Qewlo, jar u diyaru caverdano

Herkes zoneno, welat ca u waro
Her heté ho pırré jar u diyaro
Jare verde pir u tolıv piyaro
Çıqa ke pir ver, tolıv déy dımaro

Hata ewro, yé ma ke ax u zaro
Qe ferq nékeno, kam mara, kam saro
Dina olem zono, yé ma inqraro
Kes mevazo ke juhet ra qeraro

Névo ke piri vazé, ma ré karo
Raste né zoné, aqıl ré zeraro
Ju ke ğeletino, caé ho daro
Rae ra véjino, ju ke bézaro

Cıra ke bé xevero, nézoneno
Raa haqi ne muso, ne waneno
Derdé ho pere, pul; boyna wazeno
Ho kesi mesoyno, o pir nébeno

Pir nébeno, ke nefsi dıma sono
Kam çewt u xırav, kam rast u pono
Piro zé pir, gere naye rınd bızono
Luzum ke keno, ho ki dare ra rono

Ma ra kes ne céro, ne ki kes coro
Pir ke nézono, vore pıro voro
Mevazé, serva çımé der u doro
Ju ke naye névéno, çıme koro

Torné Tuji dest de her tım miyazo
Kes, pir nébeno, tolıv ke mewazo
Mevazé ke yé ma cümbüş u sazo
Sema, beyit, deyiş, dém u duwazo

Roza tenge pir u tolıv piyaro
Üye

Torné Thuji

ala_ree_niede · Tarih: Pzr Hzr 01, 2008 9:57 pm Mesaj konusu: Re: YÊ MA INQRARO

raa tu,raa sare ma roştbo haq keder nedo ma pirim,şia sıma ma serra kem mekeru..allah allah.dava ma haqrawa

Tujo · Tarih: Pzr Hzr 08, 2008 6:32 pm Mesaj konusu: KOTi BENA BIVE

Reklamlarımız Destekcilerimiz

Torné Thuji
tornetuji@gmail.com

KOTi BENA BIVE
QE NÊJDİ, QE DURİ VE

Düéi kerdéne, to ré dewe de, o ko ra
Mı düei wendéne horé, de zerré ho ra
Tayine va ke, dina bé to har u mor a
Ma ra qéri, tenge névo, vérené to ra

Se kena bı ke, mınete nékenu to ra
Qe derdé mı niyo, çıqa ke tı o cora
Mı desta béro jüye nanu ve çaré tora
Qewul kerdena ho, çıqa ke mı ré zora

No; çıqa ke téniya qusıré to niyo
Çı amo ma sare, eve persé to biyo
Maqa vatena to hard u asmén cériyo
Ma çıke vırasto, desté to ra rıjiyo

Taé ve vatena ho wené, ma sérkeme
Pesew u peroz ma tüé ho qılotneme
Verendera qesa ho çıqa ke senceme
Ma çıra, qaré qesa sari ma unceme

Qa guna yé tüya, sew u roz ma berveme
Çıra coru, ma rehetiye névéneme
Çıqa ke ma zof guréyéme, senık weme
Ma çıra welaté ho ra duri maneme

Ma xırava kesi qe coru nézoneme
Ma çıra, nuna de ho ma rehet néweme
Çıqa venga ma dané, qéret ki keme
Ma çıra, ma texti sero ro néniseme

Ollem qanunu nano ro, ma dıme some
Eve zoné ho nusnené, ma nézome
Kokıma newai kerde bépér u béqome
Werté çor désu de biye lal u kherr u bome

Bexté ma ré biya kor, ma ravér nésome
Ollem keno ho ser u bına, ma pars u ome
Çıra ma, ra u réçuné ho rınd né zome
Torné Tuji zono, to ra nébena lome

Qe her ca ra, qe dest u duzu, qe kora

*Kamia ma, kılamuné ma de ra*

Torné Thuji 03.02.2008

Tujo · Tarih: Sal Tem 01, 2008 12:35 pm Mesaj konusu: PiRÊ MI BÊ HEDURO

Torné Thuji
tornetuji@gmail.com

PiRÊ MI BÊ HEDURO

Hala perskeré rasto ya ki zuro
Vané pir zof bésovr u béheduro
O lewé madero, ro ma ra duro
Maqa şahidé na dewa Muzuro

Piré mı çıra hundé béheduro
Qese ewro esto, meste puxuro
Kam a rae ra şiyo, béhuzuro
Ma yédiné dine tım u tım zuro

Kam vano pir merexé perano
Hukumat wazeno lewé pırano
Mevazé pere pul cıré dermano
Dine çım de merexé meqamano

Vané piré ma ré text hazıro
Ewro né, meste né, birro weziro
Wezir névo, cor a cor mamıro
Yé piri qa coka hérs u adıro

Piro, yé ma u seré texti zuro
Sıre ame ma, tım vérené tıro
Wayiré ho dayma qa khal Xızıro
Pir ke kewt tenge, hazır u nazıro

Torné Thuji vano yé ma inqraro
Zof ra dıme mekuyé tım zeraro
Ayné dine, maqa par u péraro
Şahidé ma, hundé jar u diaro

Torné Thuji
09.04.2008