DERDÊ MERDENÊ

Tujo · Tarih: Çrş Hzr 11, 2008 11:05 am Mesaj konusu: DERDÊ MERDENÊ

Reklamlarımız Destekcilerimiz

DERDÊ MERDENÊ

Heqi ma de çı vet, ma déy ra çı wast
Dısmen dine çımde rast, ma ki délmast
Hardi sero, kes néverdo, ma ra hast
Çiyé vame, xılbené, bené ra rast

Kerdi ve mane, welat bıne ra tast
Péro rızna, qomé ma ke çı vırast
Zoné ma ki néwendéne, qe néwast
Derdé merdene, dısmeni kerdi hast

Derdé merdené, pesewa, perozo
Néverda xér, qe zıme, qe verozo
Heqo! yé nayine sené marazo
Mara néverda, çı çéna çı lazo

Persé sari, ma de sare uncené
İnson niyé, meraxé merdené
Ve ho dısmené weşiye ramıtené
Ma né çıra maré niya dısmené

Yé eve xırava ho némanené
Ewro né, rozé belaé vénené
Maro sérnékené, çımu remnené
Çı ke cıra vame, qe néhesnené

Torné Thuji qomé ho ré berveno
Rehet verdé, keşi verver nébeno
Vano, qewxa ra kes xér névéneno
Hirısuheştra nat, qewxa néwazeno
*-*

*Çévésae cor, cavé na qesa se dano*

* Kamia ma, kılamuné ma de ra*

Torné Thuji
11.06.2008

Tujo · Tarih: Pzr Tem 06, 2008 10:27 pm Mesaj konusu: DÊY RA KE DES, SIMA RA ÇEWRES

DÊY RA KE DES, SIMA RA ÇEWRES

Hardi sero bivi wayiré derdi
Suku bınde her heti lone kerdi
Xéle perei ki, qa te de werdi
Qomé péti her hetro rai berdi

Rauné ho ser, ho zof goynené
Raa bıné hardi ra “metro” vané
Her het pak céné, rüyené, şüyené
Zé çımuné ho qayité cı kené

Xorté de Tırkan, ju ki yé Yunanan
Uza fiştora ho ser dü u duman
Kokımé howtai bıkuyo insan
Eve şilağ u gırmık u paskulan

Maqa cıra vato, niya mekeré
Qa sıma ki na rau pak bijéré
Heq bıkeré ke, pıra şéré, béré
Nékené, terk keré naza ra şéré

O kokım kuyo kerdo ve bé nefes
Sené aqılo, niya biyo néwes
Howtai dero, déy ra ke şéré des
Sıma hirıs deré, sıma ra çewres

Jü ke merdena ollemi wazeno
Maqa hard u asmén ré dısmeno
Coka Torné Thuji qe né sımeno
Hard, awxe, hewa ma desta remeno
Torné Thuji
13.01.2008