FOLKLORÊ DÊRSIMİ RA TAÊ MERTALİ/ÇIBENOKİ

HawarTornecengi · Dost Kayıt: 31 Aralık 2006 Mesajlar: 28

Reklamlarımız Destekcilerimiz

FOLKLORÊ DÊRSIMİ RA TAÊ MERTALİ/ÇIBENOKİ

Hawar Tornêcengi

Folklorê Dêrsımi de Mertali/Çıbenoki cao de hewl cenê. Mertali ki jê lawıku, kılamu, sanıku, kuratu u qesê vırenu edebiyat u folklori sero morinê. Mertali [çibenoki] jêder eve usılê pêmiye; eve usılê sayirêni vajinê. Peyniya çekuy şikina ra jümini. Hewl perskerdên u cüavdayêna mertalu zonağêna mordemi ana kar. Na ki jü şinata de xosera. Mordem hem xezelino; pê hedıra xo ano, hemı ki baqılên u hostayên vejina werte.

Kılmek ra; Mertali sewlê de weşiya qomiyê. Kami i sıfte yimıs kerdê, kami vatê, kêy vajiyê araze niyo. Gorê weşiya tabiyati vêjiyê werte. Hal u hereketê isani ra bijê hata reqayisê hewru, gurenayisê mıloçıku ra bijê hata hazetênia dar u beri anê ra zon.

Mertalu de hirê (gegane; dı) çi gamê verde sonê. Leto vıren de; qesa vajina werte hama bêmanawa. Letê dıyine de mane vejino werte u alaqa girêdina. Letê hirêyine de usılê pêmiye (vezin) beno araze, vengi sonê ro jümini, pers vejino werte. Ni hirêmena çekuy; vatena mertale sanenê pê, ae bestnenê jümini ra. Ni çeku ra ke leto jü dariya we; manê mertale ki beno vindi u famkerdena xo darino we. İta de. ›serre ve asmu ra‹ ke misal bıdime:
Dara mına vame,
des u dı game,
her gama xo jü thame.
Ni çekuy ra ke jüye kêm bo, manê u vatena mertale benê nêmezet. Teyna çekuya vırene ra, yanê ›dara mına vame‹ ra mane nêvejino. Çekuya dıyine ke vajiye, yanê ›des u dı game‹ ke vake, mane vejino werte u alaqa girêdina. Çekuya peyêne ›her gama xo jü thame‹ ki usılê pêmiye vejino werte u pers vajino.

No misalo ke ita de serva fek u dıdonu vajino, no ki eve mane u pêmiye jümini keno tamam. Mesela:
Pençerê Baki
Pırrê huraki
Eke ke vake ›pırrê huraki‹ cıra thawa fam nêbeno, hama çekuya vırene ke amê, yanê; ›pençerê Baki‹ ke vajiya hona mordem sono ser.
No usıl ki musneno ma ke, mertali eve şinata sayirên u vatena kılamu vêjiyê werte.
Mertali Mordemi finê huyayis u mıslet pê dine xezelino. No, jü usılê de folkloriyo u zaf çiyo de rınd u delaliyo. Peyê na çi de zorbajiye çina, mertali eve hewes vêjiyê werte, taw u taw, ca ve ca vajiyê amê na roze.

Welatê made mertali vırende en jêde zımuston sewunê dergu de, verê lozınu de amêne vatene. Deniskar u veyvu de, ya ki cêniya dıxaskane verde-vınetene de ki zaf vajiyêne. Nıka çı hêf ke hurêndia na torêy, televiziyon u zovina çi gureto. O televizyon u radyono ke zonê made phêl medo; halê zon ukulturê ma se beno, sıma ve xo hesav kerê!..
Oncia ki omudê xo vind mekerê, bêrê rındêkiya welatê xo, eve xo deşti vırajime!

Pêserardena ni mertalu karê xeyle serruno. Ez vaji hona xeyle cau de zovina çêşit mertali vajinê. No gure ki roştber u doskarunê ma dest dero. Her kes ke dormê xora taê çi biyaro pêser, kıtav u perlodu de nêşirkerdene do; peyniye de xêyle çimiyê folklor u edebiyatê hometa ma vêjino werte. No ki hetê folklor u edebiyatê mara zaf karo de rındo.

[color=darkblue]

1 Arde şüte, berde pite, bınê hardi de sandıqa kilıte? tawute
2 Arqulık, darqulık, des u dı qulık? lekani
3 Avorde sono eve huyayis, avoro sono eve bervis? burosê ağwe
4 Bê lıng u bê çüye, vışino bover bê şiye? veng
5 Bê toxumi resa, yêyle çi ra wesa, dina-homete rê besa? sole
6 Bijêkê de mı esto, dest ke kon qıne çereno, eke vezon nêçereno? meqes
7 Bonê de mı esto, bınê xo golo, serê xo gulo? çıla
8 Bonê de mı esto, eke rıjiya reyna nêvırajino? hak
9 Bonê de mı esto, phoncsey male ceno, hurêndia jü xurêmiya vaşi nêcêno? çê mıloçıku
10 Bonê Baki, pırrê huraki? fek u dıdoni
11 Bonê mıno şiao, dı destu ra girêdao, hire lengeru serao, zerê xo hito, bınê xo jüao? lê
12 Bono cor de, jükek ustına verde? sung
13 Bırayê de mı esto, şiya xo çina veng
14 Bırayê de mı esto, kaleke ra miji keno? yıvrığ
15 Bırayê de mı esto, son u sodır berveno? hêni
16 Ciyê xo dermanê nêwesuno. Çıko? Mêsa hemgêni
17 Cor bırro, cêr cüyno. Çıko? sare, çare
18 Corde yeno aspor niyo, kemer u kuç ano şêr niyo? laşer
19 Corde ama; bırri vênena, cerde vênena, sımelu vênena, hêniyo dı-çırtık vênena, kurne vênena, arêye vênena, çengel vênena. Çı-çı vênena? porr/çare/buri/ çımi/pırnıke/ fek/ çenıke.
20 Çar wayê[bıraê] mı estê, kemera xo/çırra xo [tırkemanê xo] erzenê jü gole? cızıkê manga
21 Çarşi ra guret jü, çê de bi hazar u jü henare
22 Çarşi ra gurete şiaa gulera, arde çê, kerde ra ke sura çeqera henare
23 Çerxa mına çerxdariye, bınê merxe de rokerdiye? zerfêti
24 Çiyê mıno surkerde, bınê andoli de rokerde? piaz
25 Çiyê esto; eke gas kerd hata peyê hawt kou de herê mezırrê ke, nêverdano ra? beqa çarfeke/ kerkence
26 Çiyê mıno çewt, peyê boni de kewt rae
27 Çiyê de mı esto; hetê ra weno, hetê ra keno? arêye
28 Çiyê de mı esto, mızê xo sero kêm nêbeno lozıne
29 Çiyê de mı esto; gıneno kemere [danu kemere ro] nêşikino, gıneno ağwe [danu ağwe ro] şikino? kağıte/xete
30 Çiyê de mı esto, mı dıma nêvışino şiye
31 Çiyê de mı esto, loqlunê xo xo dıma kaskeno? derjên
32 Çiyê de mı esto, hata ke bêçıke qıne mêfiyê, nêsono? meqes
33 Çiyê de mı esto, raa xo xo-dest ra keno derg? ağwe
34 Çiyê de mı esto, sodır sıpedi ra yeno, sonde sono? roz
35 Çiyê de mı esto, sono dina ra fetelino, yeno verê çêverê mıde beştino? şülandêri/miye
36 Çiyê de mı esto, koy pey ra sono, yeno koy verde girêdino şülandêri/miye
37 Çiyê de mı esto, sıng u şiao. Kon zerê ağwe vezon, zıp u jüao? şiya mına
38 Çiyê de mı esto, girêdan; mıde yeno, kon ra; vındeno? çarıxi/postali
39 Çiyê de mı esto, sono dina u dare ra fetelino yeno, hondê gozagê/qurısê ca cêno? çü/bastone/ çogane
40 Çiyê de mı esto, dina u dare ra fetelino, yeno ke şiya xo çina? veng
41 Çiyê de mı esto, weno-nêweno nêkeno kerzık
42 Çiyê de mı esto, hata son gurino, yeno çê ke riê xo yê mın u tora pako? şirsa hengaji
43 Çiyê de mı esto, dina u dare vêneno, tumê verê çêverê xo nêvêneno? çım
44 Çiyê de mı esto; hirê lıngê xo estê, cıra ke jüyê kêmi bo, kar nêbeno? kuçıkê adıri
45 Çiyê de mı esto, sodır nijino, sonde rıjino? andolê cılu
46 Çiyê de mı esto, bê adır vêseno? roz
47 Çiyê de mı esto, ez son, o vındeno? reça mına
48 Çiyê de mı esto, çüal de ca nêceno, bazar de nêroşino, zaf çiyo de şirino? hewn
49 Çiyê de mı esto; dezzıko weno, dendıko erzeno? şilan
50 Çiyê de mı esto, sono nêsono, xo pey nêvêneno? çhem
51 Çiyê de mı esto, amnon cemedino, zımuston bijino ra? sole
52 Çiyê de mı esto, ez remon/son o vındeno, çıko? reça mına
53 Çiyê de mı esto, fekê xo esto, zonê xo çino. Destê xo estê lıngê xo çinê. Pizê xo esto, loqlê xo çinê? Xaşiye
54 Çiyê de mı esto, ağwa dengıji kena cı, pırr nêbeno. pırozıne
55 Çiyê de mı esto, germde kuno ra, şiliye de urzeno ra? loğe
56 Çiyê de mı esto, dormê xo şiao mılameto, wertê xo suro kırameto? adır
57 Çiyê de mı esto, gıneno adır ro nêvêseno, gıneno ağwe ro hit nêbeno? tiji
58 Çiyê de mı esto, kutiki ra qızkêko astori ra berzo? jên
59 Çiyê de mı esto, şisıko kuras niyo, şiao qeytan niyo? qılancıke
60 Çiyê de mı esto, sonde xemelino sodır texêlino? idariye/lamba
61 Çiyê de mı esto, sonde rıznon, sodır niznon? andol/ondol
62 Çiyê de mı esto, zerê çê mı dero, çê mı ki zerê dey dero, çıko? lılık [ayne]
63 Çiyo de zırnıqo, weno weno, nêkeno, çıko? kerzık
64 Çiyê de mı esto, gırêdan mıde yeno, verdan ra vındeno çarıxê
65 Çiyo de bêdest u bêlıngo, vozzeno/remeno sarequlıngo? va/pukeleke/ guveleke
66 Çiyê de mı esto, dı lonıkê xo estê loğe
67 Çiyê esto, tora besto name
68 Dapira mı voşte, dıstaria xo phoşt de? thırriya mêsıni
69 Dara mına qole, bınde kerdo hole hole? pêtage
70 Dara mına hezaji, halêni sero vıraji, dest ke dana pêro, vengê xo reseno Sêwazi. bılısk/bulısk
71 Dara mına vame, des u dı game, her gama xo jü thame. serre u asmi
72 Dara çewte, vore este. elege
73 Dare ra nêvındeno, dest de vındeno savun
74 Dare lerzena, vore/bare erzena? pırozıne
75 Dêka de mı esta, her roz pol kenê? saji
76 Dendık dendık, ses pencık, dı lonık, jü darık. loğe
77 Destê xo çinê, lıngê xo çinê, beno pırd lengêrê xo çinê? cemed
78 Deva yena Gımgımi; kef kena Erebi, way lemınê ya Rebbi? arêye
79 Deva niya deva ra berza, hemgen niya hemgen ra wesa, ağu niya ağuy ra thala? gojêre/dara goze
80 Dı mirçık çar çımi, bınê vore de hardo şia, hao ke ney nêzoneno hero şia? cüav tedero
81 Dı yê mınê, çar yê dayê, hawt yê thıngılfısê? cızıkê bıze, yê manga, yê dele
82 Dina de her çi lazımo, na her çi rê ki jü çi lazımo? name
83 Erfa çerxe, kote bınê merxe? bızıka zerfêti
84 Esto esto, tora besto? name
85 Eve xo zere dera, fekê xo teverao, çıka? lozıne
86 Ez sonu a ki sona, ez vındenu a ki vındena, lewê mıra dür nêkuna? şiye
87 Ez çêver de amu zere, maa mı jivena; Mı va: "daê çıra jivena?" Vake: "Bako mı sero". Mı va: "Bako tı çıra jivena?" Vake: "Çhêl u çhuko mı sero". Mı va: "Çhêl-çhuk sıma çıra jivenê? Vake: "Dar u bero ma sero" Mı va: "Dar u ber sıma çıra jivenê?" Vake: "Barê na dinao ma sero" Ni çıkê? ustıne/ çêrang/ têrşıgi/ çırpi/ herre
88 Feqır yeno, pasa verra urzeno ra? dılapa
89 Fekê deri dero, ne verg weno, ne ki dızd tıreno arêye
90 Fırê fırê fırrcani, zere pırrê mırcani? balcani
91 Ga qora[ora], dım[dımoçık/doçık] pera? tıfong
92 Gaê mıno boro, çutê çımu ra korro, nata bota [dı destu ra] dano xoro? dawul
93 Gaê mıno de şiao, bınê xo her roz jüp u jüao? dêwzan
94 Gaê de mı esto, gıneno waro, danpıro-pıro nêdan ranêurzeno, hata urzeno ra ke vijoyê vas bınde rewino? vora sımustoni
95 Gaê de mı esto, sarebırnon sero bervon? piaz
96 Gao şia sono, gao sur vındeno? adır u dü
97 Gao korro, nata bota dano xoro? lolavi
98 Gay bar ke, jile/jindane ro war ke? şiro qult
99 Geme de bine ra, ağwe sero bine rae. pırd
100 Geme de req u teq, asmende zıng u tıng, ağwe de çhalp u çhulp? torjên, hewri, mosey
101 Gomê dê mı esto pırrê kemero, jü kelêde mıno sur tedero? zonê feki
102 Gomê de mı esto, se pese/male sona cı, jü gırzê de vaşi nêsono cı? qula muleçıku/ mırcolıku
103 Gomê de mı esto pırrê ustınunê çewtuno? iştiriyê mali
104 Gonia sure, sıto sıpe, vaso kêwe? goni, sıt, vas
105 Goşt ra qenterê, zern u şêmi sentenê? goşi u gosarey
106 Her zırra, dı perra. Tıfong
107 Hên ke zafo, nêmıreno? porrê sari
108 Hera de mı esta, eve bar sona[kuna] zere? khoçıke
109 Herê de mı esto, bınê pizey ra barkon? lınge
110 Herê de mı esto, bınê piji ra barbeno. çarıxi
111 Hirê wayê de mı estê, sodır gızıkê jümini kaskenê, sonde verdanê ra? şêpi
112 Hirê bırayê mı estê; jü weno mırd nêbeno, jü niseno ro, ra-nêurzeno, jü ki sono nino? adır, wele, dü
113 Hirê teney pırd ra vışinê bover; jü vêneno, pay nano'ro cı vışino bover. Jü vêneno, pay nênano'ro cı vışino bover. Jü ki nêvêneno, pay nênan'ro cı vışino bover? cênıka dıganiye, domano vırare de, domano pize de
114 Hit u nerm kena cı, jüa u husk vezena? bızıka bınê tırami
115 Hondê mı gırso, gıraniy xo çina. şiya mına
116 Iştirino ga niyo, semerıno her niyo, qeleme dest dera wali niyo? qerbelek/ guvelek
117 Ip ip, sandıq çip? mezele
118 Jü çiyê de mı esto, sono bınê hardi de çerexino yeno, oncia ki bereqino? sırşi
119 Kelê de mı esto, se u hirıs male jürae de keno war? hêrdıse u iştır
120 Kelê mıno henar, voz da ha diar, wanon nêwanon nêno war; eke ame war, se malê pêse jü rae de keno war. iştir
121 Kheçê mınê welati, des u dı qati? piaz
122 Kelê mıno henar, vozda ha diar, kon-nêkon nino war? roz/tij
123 Kelê mıno kemer de, qevdê koçêno ver de? hêrdıse
124 Kelê de mı esto, nisor nêkeno, bêçıke finu qıne hona nisor keno? meqes
125 Kelezê de mı esto; fek ra weno, miane ra keno? rundo/rende
126 Kelo ve dare, nişto ro vore? taug
127 Kemerıno, darıno, muyino, çıko? loğe, darloğ, resen
128 Kerd sur, kerd ra, hardi sero fişt ra? xali/kilim
129 Khalê mıno dere de, çüalê koreko vêre de? arêye
130 Khalê mıno şia, boni sero reqeşiya? dü
131 Khalê mınê Xozati, pêsero kerdê pay des u dı qati? piaz
132 Khalkêkê de mı esto, hêrdısa xora xo fino dare? çêver
133 Khalkêko navera, herz-xıro bovera? pırd/korpi
134 Khalkêko arêye de, çhapê koreko vêre de? sımorık
135 Khalıko dere de, kulıko sare de? gılgıl, ruvêşi
136 Khalıko navera, hêrdısa xuya bovera? pırd
137 Kelo qırr, verdo ve bırr? iştiro ke pê ri terenê
138 Ko gımeno, hes vırezeno ra? şiliye u hewri
139 Koo; sero vore vorena. Dewa; mız-duman cêna. Arêyeo; tım rino ra? sare, çım, fek
140 Koy sera axsêna/erzena, jê asm u roji vêsena? tiji
141 Kuna beno derg, sona beno kılm? rae
142 Kundıra de mı esta, bırnon nêqedina. Kardia de mı esta, korr/khoniye nêbena. Lêê de mı esto; kon cı nêkon cı pırr nêbeno? merdey, azrayil, mezeli
143 Kılama phıt'ku, pırrê nut'ku? hejire
144 Kutık çıra laweno? tersu ver
145 Lüye lüye, gınê 'ro şüye, fek-fırni bi ve pırrê muye? puç u lıngi
146 Lor-loriye loriye, esker vêjiya beriye, jê mirçıke biye, hewa ra peyser peyser şiye? cınaza/meyit
147 Mayine hirrê, pısqule fek ra perrê? qersune u tıfong
148 Merde merde, fek rakerde? meske
149 Mereka de mı esta, kon pırrê sımeri, adır kon ver; sımer vêseno, a nêvêsena? qılawun
150 Mereka de mı esta, adır nanu vera; sımer vêseno, mereke nêvêsena? qılawun
151 Mirçıke yena Eğini ra, nisena qela Bağini ra, wena, kena bınê darêni ra? mêsa hemgêni
152 Miya mına qere, tangır-tıngır da pıro şiye dere? bıros
153 Mola mına tadaiye, bınê hardi de radaiye? parşüye
154 Nata fişt, bota fişt, şi peyê çêveri de nişt? avêlık
155 Naver kas, bover kas, werte de topê qumas? lozıne
156 Nutıkê dari vejiyo, jü sewê de tornê tornê xo diyo? textequruşiye
157 O zerê çêyi dero, çê ki zerê dey dero. çıko? ayne/lılık
158 Parşiya çewte, bınê boni de [peyê hawt kou de] kewte? ??
159 Pencerê Baki, pırrê huraki? fek u dıdoni
160 Perrê xo estê mirçıke niya, iştiriyê xo estê bıze niya? mêse
161 Phonc waê çêyiyê, phoncêmena ki jümini de hewiyê? tiriyê puçi
162 Phonc way, juvini rê hecay? beçiki
163 Phonc waê mı estê, her jüye solıkê kerda phoşti? nenıkê bêçıku
164 Phonc waê mı estê, salage pia kenê phoşt? bêçıki
165 Phonc waê mı estê, jüye ke cıra vışiye kar nêbeno? tiri
166 Phoşta qewine, geme de rewine. Ardune dewe, bine jê eleg u pırozıne? mısone
167 Pirıka de mı esta, hata son xo persphan kena? saji
168 Pirıka de mı esta, bêhazetu bon vırazena, çıka? pirıke
169 Qat qat mişte, bınê andoli de ronişte? nun
170 Qat ve qato, boa xo jivane ra veto? şirê kemeri
171 Qayisê mıno qerbelek/o, bınê hardi de felek/o? morr
172 Qutiya mına tholıke, dina têde kerda zerê jü holıke? radon/televiz-yon
173 Sandıqa khêlare, vejina gılê dare? goze
174 Sandıqa de mı esta, vêrê/zerê xora vozd vezena. goze
175 Ser ceneme, bın ceneme, werte de cennet? bızıka adıri
176 Ser çerme - bın çerme, werte dare, çırtıka çılare? dawul
177 Ser; merga, çinena. Bın; sıto, dosena. Nata qirêna, bota qirêna? miye/bıze
179 Ser sare, bın herre, zerdıko zere? heva genımi
180 Serre şiye serre ser, ağa ame çole ser? cüyn
181 Sona bınê hardi ra fetelina yena ke, riyê xo riyê mın u tora pako? sırşi
182 Sodır veyvıka, sonde phepuga, çıko? astare
183 Sono reçe çina, yeno toz çino. mose
184 Suro suro çeqero/çeqeno, usar ke ame reqeno? bılısk/bulısk
185 Sımorıko sımore, çarıx u gore, vozda wertê vore, çı nameo de bê tore? lıngi, puçi, lekani
186 Şüariye-mariye, thêyra bêperriye, cuamerdi cênê hermiye, phoştser kenê xoriye? meyit
187 Şine ve koy phoşti, kirvıte sanê cı, dina biye roşti bılısk/bulısk
188 Şuşti muşti, qorê meymani ronişti? dıdoni
189 Tasa cami, pırrê vami? asmen u astarey
190 Tasa Memedi, pırrê cemedi? goza khêwiye
191 Tasa mına çerxe, kote bınê merxe. asme
192 Tasa Murti, pırrê purti? astarey, porteqale
193 Tasa mına zerde, dar u beri serde? tij
194 Tıvana Hurımo, zerê isoni de gurino? zerre/qelv
195 Tiji est kerre, sewlê xo da ve zere? lılık/ayne
196 Tira mına tadaiye, bınê hardi de ramerdaiye? şirse
197 Tire ver sona, gındelıke dıma sona? derjên
198 Tora lerzena, wele erzena? pırozıne
199 Topa vaşi, esta kaşi? buri
200 Uyo ke vırazeno; roseno. Uyo ke cêno; nêgureneno. Uyo ke gureneno; nêvêneno. tawute
201 Vake: »hewar!«, vozda ha diyar? zıngayis[yankı]
202 Vêjino ro dare ison niyo, iştiriyê xo estê ga niyo, nıvısneno xoce niyo? qerbelek
203 Vêyvıka diar de, veyvêçiyê ver de? pêtage
204 Vosnê de mı esto, pısqulunê xo phoşta xora keno? rındo/rundo/ renda
205 Vozdan naver, vozdan bover, se u phoncas pêski jü-rae de kon war? hêrdıse 've iştiri terdene
206 Waa bınena, mezela xo ve xo kınena? dılapa
207 Waa mına bariye, kote qulıka tariye. tira tıfongi
208 Waa dê mı esta; sonde xemelina, sodır texelina? çıla/lamba
209 Wayê mınê sıpelayi, dı qorru de roniştayi? dıdoni
[color=darkblue]210 Werdê xo gılıkê darıno, kerdê (ciyê) xo dermanê derduno, çıko? mêsa hemgêni
211 Xêma mına ko de, jü ustına ver de? sung
212 Xatuna hawt cızıkuna, rae ra sengelina dele
213 Zenge-zınge, tede kenê tınge-tınge? veyve
214 Zern bi, zernên bi, uyo ke sewelete ame çê sıma çı bi? hewn
215 Zerê xo tholo, teverê xo polo. Pasqulu weno, husk u holo? topa/goga kay
216 Zerê xo sıpe u zero, dormê xo kemer u kerro? hak

Chime: Tija Sodiri 6, 2002

DersiMVataN

haq tora raji bo bra.... Cool

[/center]

pirocan_miraz

Reklamlarımız Destekcilerimiz

brao pili emege sima çutır beno ma ne zaneme haq tora raji bo weso warbe MUNZURCA

merhaba can yoldaşlarım selam olsun benden sizlere

derist

Burasi Türkiye Türkce yaz yoksa ne yazdigini kimse anlamaz.Türkce yaz da bari yazdiklarini senden baska anlayanda olsun Laughing

...bu ülkede Mustafa Kemal`i gercekten savunanlar varsa onlarda bizlerizdir! deNiZ GeZMiS

TuncELi tarihte Türk`tü halen de Türk`tür ebediyende Türk olarak yasayacaktir!

DersiMVataN · Tarih: Pts Ksm 12, 2007 1:29 pm Mesaj konusu:

Reklamlarımız Destekcilerimiz

Derist lüfen yazılarına Dikkat Et.. BU Sİteye Girenlerin Bi çoğunun Anadili Zazakidir. BUnu kafana Bi kere Sok. Türkiye Diye Sadece Türkçemi konusacaz ...Beğenmiyorsan girme Bi Daha BU Siteye.. İnsanlar Dillerine KKültürlerine sahip Çıkıyor.
Sen BUna karışamassın .. Bilmedigin Konularada GİrME Mad

[/center]

derist · Tarih: Pts Ksm 12, 2007 3:27 pm Mesaj konusu: Re:

Kac kisi anliyor allahaskina birakin provakatörlük yapmayi! Kac tuncelili anlar bu siteye giren kac kisi anlar o yazilanlari iste amac sovenlik iste!!
Üye

...bu ülkede Mustafa Kemal`i gercekten savunanlar varsa onlarda bizlerizdir! deNiZ GeZMiS

TuncELi tarihte Türk`tü halen de Türk`tür ebediyende Türk olarak yasayacaktir!

DersiMVataN · Tarih: Pts Ksm 12, 2007 8:28 pm Mesaj konusu: Re:

juba · Dost Kayıt: 19 Ağustos 2006 Mesajlar: 26 Nerden: izmir

ulan derist defol git bu siteden yoksa farklı yollara başvuracam.bu site bir dersim sitesi bunu anladın mı ve anadilimiz zazacadır.aslında site tamamen zazaca olması gerek fakat devletin uygulamış olduğu asimilasyon sonucu NE YAZIKKİ BU BİZİ ÇOK ÜZÜYOR türkçe konuşuyoruz ama merak etme insanlarımıza anadilimizi öğretmek için elimizden geleni yapıyoruz
Üye

MUNZUR ÖZGÜRDÜR ÖZGÜR AKACAK