"Xo Tik Bijê" (Ju Hêkate)

HawarTornecengi · Dost Kayıt: 31 Aralık 2006 Mesajlar: 28

Reklamlarımız Destekcilerimiz

"Xo Tik Bijê"

Xorto de azev zewejino, veyvikê ano çê. Roza bine sodır, veyvıke cırê gêrmi pozena. gêrmi solın yena, sonde bulğur pozena bêsolın yeno. Xort endi damis nêbeno, veyıka newiye ra vano:
- Xanım, to sodır gêrmi pote solın-, sonde bulğur pot, bêsolın ame. Çıra sole eve qerar cı nêerzena?
Veyvıke vana:
- Mı qerarê sole çê piê xode xo vira kerdo, coka werdis yasolın, -ya ki bêsolın yeno. So çê piyê mıra qerarê sole bijê biya .
Xort sodır urzeno ra, kuno ra rae sono çê vıstewrê xo. Niadano ke vısturia xo hawa verê çêveri de gurina. Çımê vısturiye seke gıneno’ra zamaê newi, sas bena, vana:
- Zama sebi, xêra! Hona dı rojiyo tı zewejiya, hêştê ra têpia gunê tı´ve çêna mıra pia bêrê destpaçkerdene. Se bi, çı esto?
Zama vano:
- Çêna to qerarê sole çê de xovira kerdo, amune ke ey berine.
Vısturiye helmê vındena, bado zamaê newey temey kena, vana:
- So cırê (veyvıke rê) vaze; "Senıki rê senık, jêdey rê jêde."
Zama fekê xode ğulğulneno, pede pede xo vero "senıki rê senık, jêdêy rê jêde" vano ke xovira mekero, hên sono. Zaf sono, senık sono ju dewê de vejino. Dewe de waxtê cüynu beno. Dı bıray cüyn de barekerdena tığe sero nanê hurê. Bırao pil niadano ke mordemê dota yeno, vano;
- Bê ma na mordemêki ra perskerime, ala o se vano, ma ki hên bıker´me.
Bırao qız qewul keno.
Aqılê xorti hona "qerarê sole" dero, o xo’ve xo boyna dekerneno, vano; "senıki rê senık, jêdey rê jêde." Eke ke yeno nêjdi, dı bıray cıra perskenê. Xort:
- "Senıki rê senık, jêdey rê jêde!" vano, vêreno ra sono. Bırao pil bara jêdere cêno, bırao qız qewıl nêkeno, reseno ve xorti, saneno çhapolu ver, vano:
- Torê çı ez senık cên, jêde cên? To ama, xorê raa xora so! Çıra vana "senıki rê senık, jêdêy rê jêde?"
Xort vano:
- Gunêka mı çina, hal-mezal nia nia.
Bırao qız vano:
- Torê çı, vaze “bereket bo”, ravêre so!
Xort kuno’ra rae, nafa ki xo-vero, "Bereket bo!" vano sono. Zaf sono senık sono, koê serde ke vêreno ra, niadano ke şüanê de mali hao uza vera tiji nişto ro, azpızonê xo kiseno/phılozneno. Xort ki hona hên xo-vero vano "Bereket bo!". Çıtur ke şüane na qesê Xorti hesneno, uşira xo cêno verdano Xorti dıme, Xorti saneno uşiru ver, ey mırd kuno. Xort vano:
- Xêta mı çıka, to çaê dana mıro?
Şüane vano:

- Ezo xorê niştu ro azpızonê xo kisenu, to ki ama hetêra vana "Bereket bo!" bereketê azpızu verdana’ra mı ser. Qe na afate mırê bena?
Xort vano," hal-mezal nia nia."
Şüane vano:
- Vaze; “qırr bıke, kok biya!” ravêre so!
Xort na raê ki vano:
- "Qırr bıke, kok biya! qırr bıke, kok biya!"
Xort raa xora dewam keno sono ju dewe de vejino. Niadano ke dawuli cıninê, vewveo, xorti kutê govende, reqeşinê. Xort `ve xo ki ju qese kerdo ve aqılê xo, boyna vano; "qırr bıke kok biya!, qır bıke kok biya!" Hên vano ke, hata çê xo na qese xovira mekero.
Cêncê dewe kunê vıreniya xorti, sımotnonê pıro, kenê repe-tepe. Vanê:
- Lao, to koti ra ma, kami qırrkena, kokê kami ana ha?
Xort vano:
- Heq bo, guna mı çina. Mıro medê, hal-mezal nia nia.
Cêncê dewe vanê:
- Vaze "haylii! huylii!" ravêre so. Torê çı, vana "qırr bıke, kok biya!".
Xort urzeno ra, nafa ki vano "haylii! huylii!" sono. Xeyle sono, senık sono, rastê ju sayderi beno. Niadano sayderi ju zarance dos kerda, nisane gureta ke xo-dust de pano. Xort vano:
- Haylii! huylii!
Zarance perrena’ra nisangê sayderi ra xeleşina sona. Sayder qarino, verdano xorti dıme, pêcêno, uza ey rınd kuno. Xort zırçeno-nêzırçeno ke fayde nêdano, o tarpıkunê xo weno. Dıma vano hal-mezal nia nia, guna mı çina.
Sayder vano:
- Çıko to kerdo hayleme, saydê mıra vana "haylii, huylii!", saydê mı remnêna? Xo rone, hên so!
Xort urzeno ra, xo nano ro hên sono. Zaf sono, senık sono, rastê bostanê yeno. Na bostani de sewa vırene dızdiye biya, wayiri holıke vırasta amo verdero. Reyê niadano ke xortê hao xo nano ro, ververê bostani ro yeno. Wayirê bostani vano:
- Aha, dızd nao ame!
Beno ve uşire ro, xo’ro xorti cêno sono. Xorti xo kerdo bul, tawa ferq nêkeno. Wayirê bostani dano´ve xorti ro, fino´ve zırçayis. Xort vano; "vınde torê vaji" hal-mesela xo cırê ke qesey keno, wayirê bostani hona xorti verdano ra, dıma vano:
- To xo nayivi ro, mı va belka to ki dızda, ama bostan ra zerzawat tırena. To bilasevete honde zopey werdi. Xo tik bijê, ravêre so! torê çı, xo kena bul?
Xort, na geyimi ki xo tik cêno sono çê xo. Veyvıka newiye vana:
- To şiya çê piyê mıra qerarê sole ard?
Xort vano:
- Heya, ez şine.. Maa to vake; " Xo tik bijê."

………………………
Arêker: Hawar Tornêcengi

- Na mesela; mı sifte Usxani ra wende (Name: Qerarê Sole), bado tirki de hetê Haydar Gündoğani ra ju kitav de vejiye.
- No varyant, Marçik ra Zama Mursay ra qeyd kerd.

pirocan_miraz · Tarih: Cmt Mar 17, 2007 3:47 pm Mesaj konusu:

wiss gueneko xorte mare. qerarê sola sona raede zoppi vena caehode bivinde nuneho bure sebi tora qerarê sola to raede zoppi biya

emege tore hag razi bo xizir letode bo nustiye to zaf rindeko bra wesbe
Üye

merhaba can yoldaşlarım selam olsun benden sizlere