Leza Munzuri (Munzurun inadi) Seyit Nezir'ra ju kilame

HawarTornecengi · Dost Kayıt: 31 Aralık 2006 Mesajlar: 28

Reklamlarımız Destekcilerimiz

Leza Munzuri

Kometê hêf-mendau çewtê
Komê sosınu vırozê ma kerdê belekın
Bınê hewru de romerdaiyo Munzur
Qariyaisê xo eve hewru sono
Avaşu
Usıvu
Demenu
Martin u mavzerê çaxmaxi
Tede nêken ez i mazbatu
Qanunê sıma nêvêreno
U wastena "deshazar milisi" rê 'rest bo'
Çêmişgêzege ra hata Yemen xeyle raa
....
Na aşire, aşira Heyderu'na
"...hondaê mılet qırr kerdo
Emrê to amo hurêndi Paşam'..."
Dem kerd mı dezê xo
»Qanunê sıma nêvêrenê«
Vadê mı vengê asırmuno, peqayişi rê vıneto.
Sıpedi ra beno dırvetın, huyayisê mıno ke kou ra yeno
Fıtara sodiri de sıfte bırayê xo dan..
Heto ju ra ke merdene jêdina
Heto bin ra ki ca-nêbena vırare de weşiye
Nêcêron phoncnêm "çapulcu" vero, seveta serbestiye
Qesê mı qese, persê mı perso
U coru sık nêkon qomê xora.
Dem kerd mı dezê xo
Biyaiso heneno ke, qe qal meke!
Kerdime top cüynu de
Wae, çêna, cêniye têde-pia
Çinebiyae bi Çawıs!
Eke dêne maro dolê orospiye
Mılqiyo ke pê ma kerdêne
Zerra mına bele lonekerdêne, tıvanê..."
Gınu hard ro ez Koo Sur de
Qutudere ra xeverekê nêvejina
Tıvana nêhesneno kês?
»Tiyarê ma eskewtê 'şaki'yunê peyêni ki bombe kerdi!
Zovina emrê to esto, paşaê m'!«
Mı finê dare
Nam u şanê mıra defter qeyd kerdo
Kıtavunê qavşiau sero namê mı nusnenê
Persi persbenê
Hama cüavê mı kıfşo
Qersuna kore,
Uşira qelpe,
Şimşêro thuz muyu tereno
Sedef ra heykel lazım niyo
Eke beno, kemera huske ra bo
Balê weşiya mara çhivikê dem
Biyaro ra xo viri
Qewğa mara..
Savcı
Têvero nuxtey nuşti,
Bızoniyo ke aqxıriya xo esta
Kılama ke ma vame...
Hirêsey serre ra nat
Zulmê çheku canê made guli kerdê ra
Vilık do, biyê ra, amê na roze
Sevekiyane rê
Pêrodayene rê
Hoverdayene rê
koy hewlê!
Çhiçega Newroji
newine de kena ra
Niade Savci
Ma hêrsê xo esto têpey,
Nêbiyo kêm nalayisê çhemê Zapi
Dezê cani haza vındero,
Heq bo ke! serê zerra mıde
Adırê "vezüv"i wekerdene rê raji
Hondê gırmıka mı mırod esto.
....
Mendi mırê xatıra gulangê to
Fam nêkerdo mı hona sırrê to
....
Sıma het de ke vami vilik rısnenê
Ma het de pelgê daru rewa cênê
Hên serdeçin ke, zımelê mı cemedinê
Adır gıneno zerê mıro, nêzon çınayrê!
Na demê usari de
Hên serd u puko ke, tıvana ağuyo
Hem ki
Domanê mı ke lawıki dekernay,
Phıtê mı ki lorıku musenê
Savcı
Nao hirê nuxteunê binu nusnen têver (...)
Bızoniyo ke hona dewamê kılamunê mı esto.
...
...

Kılame: Seyit Nezir (Munzurun inadi, 1977, perloda Kawa-5)
Tırki ra çarnayis: Hawar Tornêcengi